اللي ركب مع سواق ميكروباص عارف ان السواق متأكد و عنده يقين ان مفيش حد بيفهم في السواقة زيه في العالم كله و ان المكروباز بالنسبة ليه زي حته العجينة الطرية يشكلها زي ما هو عايز .
كان في فترة كنت بركب ميكروباص في طريق سريع .. لحظي السعيد في يوم ربنا واعدني و قعدت في الكرسي اللي جنب السواق الاسطي -حسن جريئة- .للحظ الاسعد شاب لامؤاخذة عمال يجري بعربيته طول الطريق و ياخد غرز و هوبا لاقيته واخد غرزة ضيقة مووت من الميكروباص و بعد ما كنت عمال ارغي مع الباشمهندس عن الكارتة و امين الشرطة اللي نتش منه 5 جنيه ع الصبح , لاقيته فجاة سكت و بعد ما كان يدوبك ماشي علي 120 حرقو ابتدي يجري و عينيه علي الشاب الخبؤ اللي خاد منه الغرزة .
المهم شوية و فعلا الموضوع بقي يخوف حسن جريئة وصل ل 160 ورا الواد و انا عمال اقوله قلبك ابيض يا هندسة و معلش انت الكبير رده اللي فضل يقوله : ياخد مني غرزة ليه ؟ هو انا ابن تييييييييييييييييييييييييت ... تييت دي يا جماعة قاموس شتايم متفرد من نوعه ,و علي فكرة اوعي حد يكون فاكر انه عايز يسبقه مثلا او ياخد منه غرزة , يا جماعة هدفه انه يقلبه !!!!!!
المهم لحقه علي منزل كوبري و فعلا الواد صعب عليا و جريئة عمال يزنق عليه و يعمله شوية حركات (محترمة ) بايديه من الشباك
و كل الركاب بيصوتوا طبعا .
الحمد لله الواد جاب ورا و هدا خالص , هنا و هنا فقط ارتاح جريئة .
و من هنا نصيحة لوجه الله ما تحاولش تاخد غرزة من ميكروباص لانها بالنسبة ليهم زي ما تكون قتلت ابنه .
كان في فترة كنت بركب ميكروباص في طريق سريع .. لحظي السعيد في يوم ربنا واعدني و قعدت في الكرسي اللي جنب السواق الاسطي -حسن جريئة- .للحظ الاسعد شاب لامؤاخذة عمال يجري بعربيته طول الطريق و ياخد غرز و هوبا لاقيته واخد غرزة ضيقة مووت من الميكروباص و بعد ما كنت عمال ارغي مع الباشمهندس عن الكارتة و امين الشرطة اللي نتش منه 5 جنيه ع الصبح , لاقيته فجاة سكت و بعد ما كان يدوبك ماشي علي 120 حرقو ابتدي يجري و عينيه علي الشاب الخبؤ اللي خاد منه الغرزة .
المهم شوية و فعلا الموضوع بقي يخوف حسن جريئة وصل ل 160 ورا الواد و انا عمال اقوله قلبك ابيض يا هندسة و معلش انت الكبير رده اللي فضل يقوله : ياخد مني غرزة ليه ؟ هو انا ابن تييييييييييييييييييييييييت ... تييت دي يا جماعة قاموس شتايم متفرد من نوعه ,و علي فكرة اوعي حد يكون فاكر انه عايز يسبقه مثلا او ياخد منه غرزة , يا جماعة هدفه انه يقلبه !!!!!!
المهم لحقه علي منزل كوبري و فعلا الواد صعب عليا و جريئة عمال يزنق عليه و يعمله شوية حركات (محترمة ) بايديه من الشباك
و كل الركاب بيصوتوا طبعا .
الحمد لله الواد جاب ورا و هدا خالص , هنا و هنا فقط ارتاح جريئة .
و من هنا نصيحة لوجه الله ما تحاولش تاخد غرزة من ميكروباص لانها بالنسبة ليهم زي ما تكون قتلت ابنه .
3 تعليقات:
ما هو اللي غلطان يستاهل يتقلب
حد ياخد غرزة من ميكروباص؟؟
Loool
In cairo specially , It's amusing to watch micro-bus drivers tries to do tricks on the road , freaking other people out & pushing their nerve to do stupid stuff looool .
anyway , nice wrote man
yeah .. For microbus drivers it's some kind of joy to make such tricks .
thanks alot for your comment man .:)
Post a Comment