الاختيارات في وسائل المواصلات مش كتير .. قبل ما ربنا ينعم علي اي حد و يشتري عربية .. بتبقي اختياراتك محدودة بين الاتوبيس و الميكروباص و التاكسي و مترو الانفاق.
نستبعد الاوتوبيس لانه عايز واحد نفسه طويل و يصبر لما المحطات تعدي .غير طبعا الزحمة الغير الطبيعة بما انه ارخص من الوسائل التانية
المترو بالنسبة ليا كان افضلهم بس للاسف مفيش محطات في كل الأماكن .نيجي بقي للاتنين اللي فاضلين : الميكروباص و التاكسي
اول حاجه اوجه التشابه:
- الاتنين بيكتبوا اسامي عيالهم من ورا
- الاتنين بيقفوا في اي حته في الشارع يمين او شمال الطريق مش فارقة
- الاتنين عندهم حالة قرف فظيعة من الزباين (كتير منهم عنده قرف من الدنيا كلها )
- الاتنين لازم يعاكسوا البنات و شايفنهم كلهم مزز
نيجي بقي للاختلافات
- الميكروباص بقي اسمه مكروباز انما التاكسي ما اسموش تاكزي .
- مفيش حاجة اسمها ميكروباص العاصمة ... انما في تاكسي العاصمة .
- مفيش حاجة اسمها ميكروباص العاصمة ... انما في تاكسي العاصمة .
- عالم التاكسي عالم مختلف -زي ما قال جورج عزمي - عالم مليان فرو ابيض و اضواء فلورست زرقة و حيوانات بتهز دماغها موافقة علي اي حاجة ... عالم الميكروباز اختصاره انك غصب عنك تعقد في اصغر مساحة ممكنة .
- التاكسي ممكن يطلع بيك لوحدك .. المكروباز مستحيل يطلع بيك لوحدك .. عدد الركاب الادني المكروباز 35 راكب .
- مفيش في التاكسي كراسي قلابة , الميكروباص فيه .
- مفيش في التاكسي كراسي قلابة , الميكروباص فيه .
- الاغاني في المكروباز باينة و عالية قوي و شعبية صح. انما في التاكسي تحسها من مكان بعيييييييييييييييد و صعب جدا تميز الكلام .
- التاكسي لازم تتخانق معاه علشان الحساب , المكروباز (الأجرة معروفة يا بيه مش عاجبك انزل ) .
شارك بالاختلاف او التشابه اللي انت شايفه بينهم ........
2 تعليقات:
من ضمن الاختلافات
بالنسبة للحساب
المكروباز بياخد حسابة مقدما و دة لان ممكن في اي وقت ظابط و لاة امين يوقفة و ياخد رخصة او ياخد السواق او ياخد لاعربية او ياخد التلاتة علشان كدة لازم الحساب في الاول يا بية
اما بالنسبة للتاكسي الحساب في الاخر و السبب في كدة ان خطة التاكسي انه يحاول يلف بيك اطول طريق ممكن علي اساس انك سايح و هو بيعرفك البلد من جديد و دة علشان كل مالمسافة هتطول الاجرة هتزيد و ماشي بمبدأ احنا هنروح من بعض فين
مع الشكر
محمد الدوت كوم
100 100
يا كبييييييييييييييير
Post a Comment