بسم الله الرحمن الرحيم ...نبدأ المدونة بعون الله ... العنوان اكيد مدي فكرة عن اللي هاكتبه في المدونة بس خلينا نشرح اكتر .
تفتكر الميكروباص و سواقين الميكروباص اثروا علي الشعب المصري ؟؟انا عن نفسي بشوف التأثير ده باين جدااا . تخيل مصر كدة من غير ميكروباص ؟؟
طبعا مش هتعرف تتخيل حاجة زي دي .لأن ببساطة مصر هي ميكروباص كبير اصلا بس طبعا ميكروباص مش عارفيين رايح فين و لو انه غالبا رايح سكة الندامة .
يا تري في كام واحد فينا بيركب ميكروباص يوميا ؟؟ في كام واحد اتخانق مع سواق ؟؟ و كام واحد ضحك من تصرف سواق عمله ؟و كام واحد كان هيموت بسبب عفاريت الاسفلت ؟
كتير بنسمع كلام و نقول ايه الكلام ده ؟ ده لغة سواقين ميكروباصات . الغريب ان ممكن تلاقي اخوك و لا ابنك اللي بيقوله . كلام غرييييييييييب و انتشر بطريقة فظيعة .
نرجع للمدونة ان شاء الله يوميا ( طبعا علي حسب ظروف الشغل .. مش هاسيب شغلي يعني و اقعد اكتب عن الميكروباص ) هاكتب حاجة عن الميكروباص . مواقف مع سواقينه و الكلام اللي اتنشر في كل البلد و اللي شايف انهم مصدر الكلام ده .
الحاجة الاخيرة اللي لازم اقولها اني طبعا باحترم السواقين و ربنا معاهم مفيش أمين شرطة اللي لما بيرخم عليهم .
1 تعليقات:
بالتوفيق واحنا قاعدين مستنيين الجديد
Post a Comment