اول موضوع طبعا هيبقي عن كلمة الميكروباص (المكروباز) ...عمرك شوفت سواق ميكروباص بيقولها ؟؟؟
بجد مهما تحاول تقلده بتطلع منه شئ مختلف جدا . بس اما نيجي نحللها كدة :
طبعا الكلمة هي (Microbus) بالانجليزي, فاللي نفهمه انه اتوبيس صغير علي اساس الاجانب عندهم حاجة اكبر اسمها (bus) بس سواقين المكروباز عملوا اعجاز انهم شالوا كلمة (micro) لانهم قدروا انه يخلوا المكروباز يشيل نفس العدد اللي بيشيله الاتوبيس الكبير .
طبعا (micro) عند السواقين ليها معاني تانيه خالص و هي :
- انه ممنوع يبقي بين الراكب و التاني اكتر من 1 ميكرومتر
- انه ميسبش بينه و بين العربية اللي قدامه اكتر من ميكرومتر برضه نفس الحكاية للعربية اللي علي شماله .
نيجي للنص الكلمة التاني (باز) تفتكروا دي جايه من (باظ) لان الطبيعي بتاع المكروباز ان يبقي بيدخن و مخلي الدنيا وراه دخان اسود او علشان هو المكروباز هدفه في الحياة انه (يبوظ) عربيات الناس التانية .
3 تعليقات:
yes sawa2een 2l microbus by2olo keda :D
احلى سلام على طول السلام من شبرا للسلام للناس التمام
افتح الكبوت و اقفلة و ان عدى منك شنكلة و اللى بقة اتفتح يقفلة
مساء العنب يا عم ايهاب يا رايق
انا قلت طالما عديت على الميكروباز بتاعك اقف ااخد الكارتة و اعمللى فردتين
و خلص الكلام
و ما الدنيا يا بوب الا ميكروبااااااااااززز كبير
اول و تاني و تالت احلي سلام علي طول السلام للمعلم محمود اللي شرف المكروبااااز بتاعي و نردهالك في الافراح يا كبييييييييييييييييييييييييييير
Post a Comment