لازم نعترف ان خلاص بقي للميكروباص كلمة في الشارع المصري .. المواطن المصري حاجة من اتنين يا اما بيركب الميكروباص و ساعتها بتبقي تعاملاته مع الميكروباص من جوة او يكون ربنا فاتح عليه و جاب عربية و ساعتها بيبقي تعامله مع الكيروباص من بره .و سواقين الميكروباص عندهم انطباع ان الشارع ده حاجة يملكوها 100 % و سواقين الملاكي دول زوار علي المدينة ملهومش حق انهم يمشوا بعربياتهم في الشارع و لا ليهم حق اعتراض و الكلمة المشهورة اللي دايما تتقال "خليك في حالك " . هقول النهاردة 3 امثلة مستحيل تلقيها الا مع الميكروباص
1- الشارع ده بتاعنا : غير طبعا ان الحق الدستوري لاي ميكروباز انه يقف في اي حته في الشارع , يمين او شمال او حته في نص الشارع . دلوقتي بقي في ظاهرة جديدة هي ان الشارع كله مقفول بالميكروباصات و تلاق يالطريق كله واقف و ممكن تقف بعربيتك نص ساعة علشان تعدي المنطقة دي . الموضوع ده تلاقيه باين قوي في ميدان الجيزة و كوبري غمرة
2- الفكة : دلوقتي تخيل ان السواق معاه فلوس مجمدة و عايز يفك . هل هيقف بالعربية عند كشك مثلا و يفك ؟؟ مستحيل .. الحل مع السواقين اللي ماشيين معاه علي الطريق . و عادي جدا تلاقي ميكروباصيين ماشيين بالراحة جنب بعض علشان السواق بيفك من زميله , طبعا طز في العربيات اللي ماشي وراهم . الحاجة اللي يلاحظها ركاب الميكروباص استخدام فتحات التكييف في وضع الفكة .
3- لازم امشي عكسي : تخيل معايا طريق رايح جاي بس حارتين بس .. و حارة منهم واقفة و المعاكس ماشي .تفتكر اي مكروباز محترم هيقف في الحارة الواقفة . لأ طبعا لازم هياخد الحارة العكسي بما انه اذكي من كل الخبؤات سواقين الملاكي . . طبعا بعد شوية بتلاقي ببركة عفاريت الاسفلت الطريقين وقفوا تماما . و بدل ما نقف 5 دقايق وقفنا نص ساعة .
1 تعليقات:
أول مرة أزور مدونتك القيمة .. تهنئتي لك على المجود المبذول والرائع..
Post a Comment