الحاجة المعتادة اللي بتحصل لما تركب وسيلة موصلات زي الاتوبيس او المترو هي وجود محطات يتوقف فيها الاتوبيس او المترو علشان ينزل الناس و يركب ناس تانية . القصة مع الميكروباص مختلفة شوية .. المحطتين اللي المكروباز ملتزم بيهم هما الموقفين (مثني موقف) موقف بيطلع منه و موقف بيوصله .. لو الميكروباص مليان و محدش نزل يبقي مفيش اختراع اسمه محطة للميكروباص .. الموقف اللي بنتكلم عليه النهاردة ان حد ينزل من الميكروباص في اي مكان في الطريق .
ساعتها بيبقي في مكان فاضي في الميكروباص و طبعا دي حاجة غير مسموح بيها بالنسبة للسواق . و في نفس الوقت السواق مستحيل يوقف الميكروبص مخصوص علشان راكب او اتنين .. الاختراع اللي وصله السواقين و و بقي وسيلة للاتصال مع الناس هي الاشارات . فبقي طبيعي انك تلاقي راجل محترم لابس بدلة و تلاقيه عامل النصر لاي ميكروباص معدي , رغم ان مفيش مظاهرات و لا الراجل ده ناشط فلسطيني . كل الحكاية انه رايح الحي السابع و بيسأل السواق اذا كان ده طريقه و لا لأ . علي طريقة علامة النصر دي بقي في حركات كتير و مشهورة بيتعامل بيها سواق الميكروباص مع الناس .
زي ما قولنا علامة النصر = الحي السابع ,و علامة النصر مقلوبة اكيد بقي الحي الثامن ,و الحي العاشر طبيعي تستخدم صوابعك العشرة ,و علامة اكس علي صدرك معناها ميدان رمسيس و علامة الجنون ( تعقد تعمل دواير بايديك جنب دماغك ) معناها العباسية .. لما تعمل مثلث بدراعينك الاتنين يبقي الهرم ,اللي ساكنين في المقطم عارفين يعني ايه لما تعمل السبابة بتاعتك كأنك بتقلب الشاي (ميدان النافورة), و هكذا تلاقي علاماااات كتييير بقت وصيلة اتصال لاسلكية بين الناس و السواق . طبعا غير العلامة المشهورة دراعك لقدام اللي هي ( علي طوووول ) و دي بتستخدم في كل الاماكن تقريبا .
حتي السواقين بينهم و بين و بعض بقي في حركات لاسلكية بينهم اشهرهم .. هي ترعيش النور .. لما تبقي ماشي في طريق سريع و تلاقي ميكروباص بيرعشلك نور من العربية دي مش معناها تحية ليك و لا انه بيديك سلام .. لا معناها " خدبالك يا برنس في ردار قدامك " . الراجل بيعمل اللي عليه برضه .
ساعتها بيبقي في مكان فاضي في الميكروباص و طبعا دي حاجة غير مسموح بيها بالنسبة للسواق . و في نفس الوقت السواق مستحيل يوقف الميكروبص مخصوص علشان راكب او اتنين .. الاختراع اللي وصله السواقين و و بقي وسيلة للاتصال مع الناس هي الاشارات . فبقي طبيعي انك تلاقي راجل محترم لابس بدلة و تلاقيه عامل النصر لاي ميكروباص معدي , رغم ان مفيش مظاهرات و لا الراجل ده ناشط فلسطيني . كل الحكاية انه رايح الحي السابع و بيسأل السواق اذا كان ده طريقه و لا لأ . علي طريقة علامة النصر دي بقي في حركات كتير و مشهورة بيتعامل بيها سواق الميكروباص مع الناس .
زي ما قولنا علامة النصر = الحي السابع ,و علامة النصر مقلوبة اكيد بقي الحي الثامن ,و الحي العاشر طبيعي تستخدم صوابعك العشرة ,و علامة اكس علي صدرك معناها ميدان رمسيس و علامة الجنون ( تعقد تعمل دواير بايديك جنب دماغك ) معناها العباسية .. لما تعمل مثلث بدراعينك الاتنين يبقي الهرم ,اللي ساكنين في المقطم عارفين يعني ايه لما تعمل السبابة بتاعتك كأنك بتقلب الشاي (ميدان النافورة), و هكذا تلاقي علاماااات كتييير بقت وصيلة اتصال لاسلكية بين الناس و السواق . طبعا غير العلامة المشهورة دراعك لقدام اللي هي ( علي طوووول ) و دي بتستخدم في كل الاماكن تقريبا .
حتي السواقين بينهم و بين و بعض بقي في حركات لاسلكية بينهم اشهرهم .. هي ترعيش النور .. لما تبقي ماشي في طريق سريع و تلاقي ميكروباص بيرعشلك نور من العربية دي مش معناها تحية ليك و لا انه بيديك سلام .. لا معناها " خدبالك يا برنس في ردار قدامك " . الراجل بيعمل اللي عليه برضه .
2 تعليقات:
خخخخ
والله وحشتني كل حركات ديه
حفظتها زي اسمي
علشان كل يوم ارووح جامعه لازم اركب خمسين ميكروباص
بس يله
موضوع حلو
متشكر يا غالي
دي الحركات اللي انا عرفتها بس انا متأكد اني في حركات تانية كتير
Post a Comment