بعد ما اتخنقنا من كلمة "كابتن" طلع كلمات تانية جديدة في وقتها زي "يا زميل " (ناس بتقولها " يا زميلي ") و كلمة "يا كبير" و كلمة "يا شقيق " و تحويرها "يا شق " و "شقو" . كلمة "معلم " خدت وقتها برضه و الناس تقريبا كلها بقت معلمين و احسن معلمين كمان .
البهوية و البشوية لسه متلغوش .. بالعكس كل الشعب المصري واخد الالقاب ده لغاية دلوقتي .
البهوية و البشوية لسه متلغوش .. بالعكس كل الشعب المصري واخد الالقاب ده لغاية دلوقتي .
الناس اللي اتخرجت من هندسة مخنوقين من كتر الناس اللي بيتقالها "يا باشمهندس" . اساسا طول ما هو في الكلية الناس بتغيظه : " يا عم انت فرحان قوي بالكلمة ده اي صنايعي من السواق للسباك بيتقالها باشمهندس" .
و اي حد بيبيع اكل ما يكتب علي المحل اللي يعجبه . اللي يكتب دكتور الكباب و الكفتة و اللي يكتب ماجستير في الكشري و هكذا.
و اي حد بيبيع اكل ما يكتب علي المحل اللي يعجبه . اللي يكتب دكتور الكباب و الكفتة و اللي يكتب ماجستير في الكشري و هكذا.
النهاردة الكلمة اللي عمال اسمعها من الناس كلمة "يا صاحبي" . فجأة الناس كلها بقت اصحابي. واقف بحاسب في سوبر ماركت الاقي واحد بيعافر علشان يدخل قبلي و يقولي اصلي راكن التاكسي صف تاني يا صاحبي !! . اقعد ع القهوة الاقي صبي القهوة يقولي "تشرب ايه يا صاحبي!! " . رغم ان الكلمة قديمة جدا عادل امام نفسه عملها فيلم و احمد منيب قالها في اغنية . انما ليه طلعت دلوقتي و ليه فجاة الناس استخدمتها حاجة مش مفهومة. هل الناس دلوقتي فعلا شايفين نفسهم اصحاب ؟ . و يا تري اتصاحبوا امتي ؟ و اخرة الصوحبية دي ايه ؟؟ الله اعلم
0 تعليقات:
Post a Comment